PiacenzAntica

In occasione dell'inaugurazione del nuovo palazzo del liceo Gioia, opera di Mario Bacciocchi, nel maggio del 1938, si tenne a Piacenza una grandiosa Sagra cittadina che durò un mese, durante la quale vennero organizzati innumerevoli eventi. Ogni giorno dal 22 maggio al 19 giugno una mostra o una manifestazione sportiva allietarono i numerosi turisti accorsi nella nostra città. Un’evento al giorno sempre diverso dalla esposizione della romanità, alla mostra di caccia e pesca, dalle corse in moto alla gara dei battellini in Po, dalla mostra dell'agricoltura a quella del metano e poi ancora concorsi ippici, la maternità, concerti, mostra di fotografie e concorsi per i balconi e le vetrine più belle non ultimo un gran premio di atletica femminile. I giornali dell'epoca scrivevano che Piacenza ha saputo camminare a pieno ritmo nella valorizzazione delle sue eccellenze, superando con fermezza e senza arresti le più dure difficoltà.. Il poeta piacentino Egidio Carella non poteva esimersi di comporre una lode a questa manifestazione dove intenso e celebrativo è il calore per Piacenza e per le sue cose. Bellissimo poi il passaggio che reclamizza la nostra città e dice "vantate la mia città, vantatela dappertutto e non abbiate mai paura di dirne troppe non passerete mai la misura questa è la Primogenita e qui c'è dentro tutto”..

regio liceo Gioia

Guardi la nossa Piazza - e rimirila bein!
Incò po l'è un suggiuran - l'è un parco, l'è un giardein;
c'ag sia al sul, ad giuran - oppùr la lòina, ad nott,
la nossa bella Piazza - l'è un nido, l'è un salott.
Gh'è ancura quàlca squàrs - e quàlca stunàdura,
ma prest i sparirann,- n'abbiigh miga pagùra !
Abbotta po i pinsàvan - e quàicadòin la dsiva
ac g'um poc entùsiàsim - e poca iniziativa.
E allura par fàg vèd - ac l'è una ragion màgra,
in quattar e quattr'ott - um trat in pe la Sagra.
G'um ditt c'un piasintein,- con l'architètt Bacciocc,
artista ad gran valur - e miga un gram barlocc,
g'um ditt da fà un palazzi - in mira al noss Farnes
e fumal bell, g'um ditt,- guarduma miga ill spes,
e lù col so taleint - tùtt rivestì ad quarell,
al ta m'ha fatt un sid - d'alvàg tant ad cappell.
Adess ac g'um al sid,- i'hann ditt, cs'ag fumia dein?
Al la savrà Ferretti,- ag pinsarà Ambrugein.
A div cma i'hann pudi - sùperà tùtt i'ustacul
an savris propri miga - dirò cl'è stà un miracul.
Ambrogio segretàri,- Ferretti Presideint,
i'hann miss in tùtt Piaseinza - un mattu muvimeint.
Artista ed inventur - e miga gint illùs,
vaduma saltà fòra - da quasi tùtt i bùs;
e quant indùstriàl - e quanti cummerciant,
e tùtt l'artigianato - e tùtt i neguziant
i'hann purtà là di usdei,- dla roba par visitàri,
di tlàr e, pr'i button,- gh'e là di macchinàri;
dill statuv e di quàdar - tùtt fatt con dla pittùra
e macchin col metano - prudutt d'agricultùra,
arlogg' seinza ingranagg',- tùtt roba brevettà..
gh'e fein l'moto perpetuo - lamò bell disegnà.
Av digh ac l'è una roba - c'an sa pòl miga crèd,
bisogna, par cunvincias, - andà lamò e vèd.
Sta al fatt che tùtt Piaseinza - s'pòl di cl'è quasi un mes
c'la viva in gran letizia - pruvand tùtt il surpres;
l'è un mes che tùtt i giuran - a gh'è di avvenimeint
e seipar nòv prugramma - e nòv divertimeint.
L'è un mes che sum nottambuli - l'è un mes c'an durmum pò,
me an so, as ricurdum gnan - ac g'um muier e fiò.
Adsumal chè suttvus - l'è un mes che, porcu boia,
nòi pasintein s'sum datt - tùtt a la pazza gioia.
Te at vèd partùtt gh'è gint - ca vòl aspeind e god,
me an so, g'ho l'impression - ac g'abbian tùtt di sod
e che la maggiur pàrt - ag vaga bein i'affàri.
Am pàr da ess milord,- da ess tùtt miliunàri.
Nòi in chi giuran chè - sum fieri e surrideint,
i crùssi, i tribùleri - ansòin n'ag i'ha pò in meint.
Incò as sintum autarchici - e miga in servitù..
se voin al g'ha di debit,- pàr c'ag n'in vaga a lù.
Adess po ac g'um la Lùpa - e sum da ess Ruman,
vuruma fà al noss vers,- vuruma, i me tuan.
E quindi, me v'arcmand,- pr'amur ad la vrità
e un pò par gratitudine,- vantì la mè città.
Vantila dappartutt - e n'abbiigh mài pagùra
ad din magàri tropp.- An passrì mài la msùra.
Chemò la va a nuanta,- chemò as crapa ad salùtt,
a l'è la primogenita...- chemò gh'è deintar tùtt.
An g'ho pò gnint da dì.- As sumia intes ?..Benissim!
E s'um d'andà d'accordi,- fem pò girà i santissim.

bagni pubblici