al Signùr al fa Piasëinsa
di Francesco Ghezzi
Al Signùr un bèl giùran
gira gira e pëinsa pëinsa
l'ha pinsè da fè Piasëinsa
cul so vall ca fa cuntùran.
L'e andè in gir pr'al firmamëint,
l'ha catè al pianeta Terra
metè ad mòta e metè ad gèrra,
e al ghe piasì al prim mumëint.
In d'una man as le rigirè
e a man vèrta cui didòn
al ga fatt di sgranfignòn
e al seincu vall a l'ha creè.
Tidòn e Trebbia da una pèrt
Chèr e Nùr e po anca l'Erda
a seconda ad dua as guèrda
sëinsa ies di gran espert.
Sutt l'ha fatt una spianè
cu dla ròba menu düra
e l'ha fatt una pianüra
pront par mötagh la citè.
A drè Po ghe tèrra mòla
e al fond l'e mia tant bon,
al ga miss un bèl sassòn
e tutt a post, finì la fola.
Eccu parchè, chèra i me ragass,
ien i piasintëin dal sass!
