PiacenzAntica

"1933 - XI"

Oi li,oi li,oi là!..
a San Zorz nuin stòm ad ca ;
oi li, oi li , oi là !..
trev da pàrt o fev in là .

Al nos carr l'òm cargà bein,
piin da scorb e da scorbein,
tutta l'uga l'òm mundà
cme i campion da rigalà.

Oi li, oi li, oi là !..
a San Zorz nuin stòm ad ca;
oi li, oi li, oi là !..
trev da part o fev in là.

Guardè fiòi la muscatella
cma l'è grossa, cma l'è bella;
guardè fiòi che malvasia
sla tastì la portì via.

Oi li, oi li, oi là !..
a San Zorz nuin stòm ad ca;
oi li, oi li, oi là !..
trev da part o fev in là.

Che fruttan ! che grignolein !
che barbera ! che balsmein !
as fa un mòst con c'l'uga chè
ca s'pò bevan fein ca' g n'è !

Oi li, oi li, oi là !..
a San Zorz nuin stòm ad ca;
oi li, oi li, oi là !..
trev da part o fev in là.

V'òròm vèd al nos Goveran,
vòròm dig che pri st'inveran,
grazia a Dio staròm bein
sa scadròm tac al camein.

Oi li, oi li, oi là !..
a San Zorz nuin stòm ad ca;
oi li, oi li, oi là !..
trev da part o fev in là.

In sla tàvla la chissòla,
du castagn o un pò d'ribbiòla,
un bell fiasc con un sgrazanell..
salvarum la nossa pell.

Oi li, oi li, oi là !..
a San Zorz nuin stòm ad ca;
oi li, oi li, oi là !..
trev da part o fev in là.

Viva Acerbo e Mussolini
viva l vid dei piacentini !
la Valnur, Trebbia, e Tidon
tutt c'han fatt l'Espozizion !

Oi li, oi li, oi là !..
a San Zorz nuin stòm ad cà;
oi li, oi li, oi là !..
trev da part o fev in là.

un amig dal Garzon d'Maccàri


mostra delle uve da tavola, piacenza 1933